බී.බී.සී. පුවත් සේවය, එක්සත් ජනපද ජනපති, ඩොනල්ඩ් ට්රම්ප්ගෙන් සමාව අයැද තිබේ.
ට්රම්ප් විසින් 2021 ජනවාරි 06 දා සිදු කළ කථාවක් එම පුවත් සේවයේ පැනොරාමා (Panorama) රූපවාහිනී වැඩසටහන මගින් විකෘති කොට විකාශය කිරීම සම්බන්ධයෙන් එසේ සමාව ඉල්ලා තිබේ. ඔහුගේ කථාවක කොටස් තැන තැන වෙන් වශයෙන් ගෙන සංස්කරණය කර ප්රචාරය කිරීම පිළිබඳව බී.බී.සී. පුවත් සේවයට චෝදනා එල්ල විය. සමාව අයැද සිටියද ජනපති ට්රම්ප්ගේ වන්දි ඉල්ලීම් එම පුවත් සේවය ප්රතික්ෂේප කරයි.
එම සංස්කරණිත කථාවෙන්, ජනපති ට්රම්ප් විසින් ප්රකෝපකාරී හිංසනයට සෘජු ආරධානා කරන බවට වැරදි වැටහීමක් ඇති කර ඇතැයි, පවසන පුවත් සේවය, 2024 විකාශය වූ එම වැඩසටහන යළි ප්රචාරය නොකරන බව පවසයි.
බී.බී.සී. පුවත් සේවය එම වැඩසටහන ඉල්ලා අස්කර සමාව ඉල්ලා, වන්දි නොගෙවන්නේ නම්, හානි පූර්ණය වෙනුවෙන්, ජනපති ට්රම්ප්ගේ නීතීඥයෝ, එම පුවත් සේවයෙන් ඇමෙරිකානු ඩොලර් බිලියනයක මුදලක් ඉල්ලා සිටියහ.
එම පුවත් සේවය විසින් සිද්ධිය සම්බන්ධයෙන් එක්සත් ජනපද පරිපාලනය සහ නීතිඥයින් හා සාකච්ඡා පැවැත්වුවද, දෙරට අතර රාජ්යතාන්ත්රික සාකච්ඡා කිසිවක් සිදුවී නැතැයි ද වාර්තා වේ. බී.බීසී. පුවත් සේවය, ප්රධාන ප්රවාහයේ නිදහස් ජාත්යන්තර මාධ්යයක් ලෙස කටයුතු කරන බවද එය පවසයි.
සංස්කරණය කරන ලද, ජනපති ට්රම්ප්ගේ කථාව වෙන් වශයෙන් ප්රචාර නොකොට අඛණ්ඩව ප්රචාරය කිරීම හේතුවෙන් යම් ප්රමාද දෝෂයක් සිදු වූ බවටත්, එමගින් යම් වැරදි වැටහීමක් සිදු වූ බවටත් පිළිගන්නා බව එම පුවත් සේවය කියා සිටී. එය සිතා මතා සිදු කළ ක්රියාවක් නොවන බවද එම පුවත් සේවය කියයි.
(සටහන | BBC ඇසුරින්; හර්ෂ උදයකාන්ත පීරිස්)
(
11/14/2025
මුලාශ්රය :
BBC apologises to Trump over Panorama edit but refuses to pay compensation
සබැඳි ලිපි :
බීබීසී යට එරෙහි 'ඊශ්රායල ගැති' චෝදනාව කුමන්ත්රණයක්? | Saroj Pathirana
බීබීසී අධ්යක්ෂ ජනරාල් ටිම් ඩේවි සහ ප්රවෘත්ති ප්රධාන විධායක නිලධාරී ඩෙබෝරා ටර්නස් ඉල්ලා අස්වූයේ ඇයි?
