මුලතිව් දිස්ත්‍රික්කයෙන් හමු වු ශ්‍රී ලංකාවේ අලුත්ම සමූහ මිනීවලේ කැනීම් කටයුතු
යළි ආරම්භ කළ පස්වැනි දිනයේ දී තවත් ඇට සැකිලි තුනක් හමුව තිබේ.
සැප්තැම්බර් 11 වැනි සදුදා කැනීම් කටයුතු නිමා විමෙන් පසුව, සිරුරු ගොඩගැනීම මෙහෙයවන මුලතිව් දිස්ත්‍රික් රෝහලේ අධිකරණ වෛද්‍ය නිලධාරී කනගසභාපති වාසුදේව ප්‍රදේශයේ මාධ්‍යවේදීන් හා කියා සිටියේ මිනිස් ඇට සැකිලි එකිනෙක උඩ ගොඩ ගසා ඇති ආකාරයක් කැනීම් වලදී දැකගත හැකි බවයි.
" පස් වැනි දවසේ කැණීම්වල දී තවත් ඇට සැකිලි 3ක් හමුඋනා. අපි වැඩ ආරම්භ කිරීමට පෙර 13ක් හඳුනාගෙන තිබුනා. කොහොම උනත් කොපමණ සංඛ්‍යාවක්ද කියලා හරියටම කියන්න අමාරුයි. බොහෝ මිනිස් ඇටසැකිලි එකිනෙක උඩ ගොඩ ගහලා තියනවා. මේ අවස්ථාවේ දී, ඒ උඩ තියන පස් ටික අයින්කරනකොට විතරයි ඒවා පැහැදිලි වෙන්නේ. මේ වන විට ඇටසැකිලි හතරක් සම්පූර්ණයෙන් සොයා ගෙන තියනවා. එකක තියෙන්නේ කකුල් දෙක විතරයි. අදත් පතුරමක් හම්බඋනා. කාන්තා ඇදුම් දකින්න තියනවා. කොහොම නමුත් එම අස්ථි කොටස් පරීක්ෂා කිරීමෙන් පස්සේ තමයි කියන්න පුළුවන් ඒවා ගැහැනුද පිරිමිද කියලා."
යුද්ධයෙන් වැඩිම හානියට පත් මුලතිව් දිස්ත්‍රික්කයේ කොක්කුතොඩුවායි හිදී මාස දෙකකට ඉහත මතුවූ සමූහ මිනීවලේ කැනීම් කටයුතු අධිකරණ නියෝග මත සැප්තැම්බර් 6 වැනිදා උදෑසන සිට යළි ආරම්භ කර තිබුනි.
ප්‍රදේශයේ මාධ්‍යවේදීන් පවසන්නේ කැනීමේ කටයුතු වාර්තාකරණය සදහා අධිකරණය විසින් මාධ්‍යවේදීන්ට සැප්තැම්බර් 11 වැනිදා සිට කාල සීමාවන් වෙන් කර ඇති බවයි.
{gallery}kokkuthuduwai{/gallery}
සබැඳි ලිපි :
දෙමසක් ඇනහිට තිබු කොක්කුතොඩුවායි සමූහ මිනීවලේ වැඩ ඇරඹේ !
වන්නියේ සමූහ සුසානය ගැන මැදිහත් වෙන නීතිඥයන්ට බියවැද්දීම්
කොක්කුතුඩුවායි සමූහ සුසානයේ කැනීම්වලට බාලගිරි දෝෂය
කොක්කුතුඩුවායි සමූහ සුසානයේ කැනීම් පිළිබද තීන්දුව අද
යාපනයේ තවත් සමූහ මිනී වලක් ගැන මැතිසබේ හෙළිදරව්වක්
අලුත්ම සමූහ මිනීවල හාරන ආකාරය ගැන දෙමළ පිරිස් නොසතුටින්
අලුත්ම සමූහ මිනීවලේ කැනීම් සඳහා ජාත්‍යන්තර මැදිහත්වීමක් ඉල්ලයි
ඇටකටු හමුවූ මුලතිව් සමූහ සුසානයේ කැනීම් 6 දා ඇරඹීමට නියෝග
වන්නියෙන් ඇටසැකිලි මතුවුයේ සමූහ සුසානයකින්දැයි සැකයක්
තොග පිටින් වලලන්න දක්ෂ රටේ ගොඩගන්න අදක්ෂකම හෙළිවන වාර්තාවක්
