ගාසා තීරයේ සටන් විරාමය ප්රකාශයට පත් කිරීමත් සමග ඊයේ (10) සිට දස දහස් සංඛ්යාත පලස්තීනුවෝ යුද්ධයෙන් විනාශයට පත්
සිය ගම් බිම් බලා යළි පැමිණෙමින් සිටිති.
අදියර කිහිපයකින් යුත් ගාසා සාම යෝජනාවලිය යටතේ එළැඹි සටන් විරාම ගිවිසුම ක්රියාත්මක වීමත් සමග, ඊශ්රායල හමුදා පියවර කිහිපයක් පසු බැසීමට කටයුතු කළහ.
උතුරේ, වෙරළ තීරයේ ඔස්සේ විශාල මිනිස් තීරයක් ගාසා නගරය වෙත පා ගමනින් ලඟා වෙමින් ඇතැයි, රොයිටර්ස් පුවත් සේවය සඳහන් කරයි.
ගාසා නගරය එම තීරයේ ඇති සුවිසල්ම නාගරික කලාපය වේ. සටන් විරාමය ආරම්භ වන තෙක්ම, එය ඊශ්රායල හමුදාවල දැඩි ප්රහාරයන්ට නතු වෙමින් පැවතිණ. ගාසා නගරය, යුද්ධයේ අවසන් ඉලක්කය ලෙස හඳුනා, ඊශ්රායල හමුදා දිගින් දිගටම ඒ වෙත ප්රහාර එල්ල කළහ.
දකුණේ, ඛාන් යුනිස් වෙත, පලස්තීනුවන් විශාල පිරිස් නිහඬව ගමන් ගන්නා දසුන හද කම්පා කරවන බව විදෙස් මාධ්ය පවසයි. ඛාන් යුනිස්, ගාසා තීරයේ දෙවන විශාලතම නාගරිකයයි.
ඊශ්රායල හමුදා පසු බැසීමෙන් අනතුරුව, ගාසා තීරයේ තැනින් තැන විසිරි මළ සිරුරු සිය ගණනක් සොයා ගත් බව ගාසා සෞඛ්ය බලධාරීහු පවසති.
සටන් විරාමයේ මූලික ගිවිසුම් ප්රකාරව ප්රාණ ඇපකරුවන් නිදහස් කිරීමක් තවමත් සිදුවී නැත.
"දැන් දෙගොල්ලන්ටම හති.. බය වෙන්න එපා, ඕක නවතීවි," ජනපති ට්රම්ප් එසේ පවසන්නේ සටන් විරාමයේ තිරසර බව පිලිබඳ මනා අවබෝධයෙන්දැයි, විචාරකයෝ අසති.
(සටහන | Reuters ඇසුරින්; හර්ෂ උදයකාන්ත පීරිස්)
(
10/11/2025
මුලාශ්රය :
Gazans trek to ruined homes as Israeli forces pull back under ceasefir
