හිටපු ප්රංශ ජනපති නිකොලස් සාර්කෝසි (Nicolas Sarkozy) අද (21) සිර ගත කෙරේ.
ඒ අනුව, ඔහුට පස් අවුරුදු සිර දඬුවමකට යටත් වීමට සිදුවේ.
සිය මැතිවරණ ව්යාපාරයට ලිබියාවෙන් අරමුදල් පැතීමේ චෝදනාවට අධිකරණ තීන්දුවක් මත, එම දඬුවම ක්රියාත්මකය.
ඊට එරෙහිව සාර්කෝසි අභියාචනා ගොනු කළද, එම අධිකරණ ක්රියාමාර්ග අතරේ වුව, එහි තීන්දුව ලැබෙන තෙක් සිර දඬුවම් ක්රියාත්මක බව, ඔහුට එරෙහි නඩුව විභාග කළ ප්රංශ අධිකරණය තීන්දු කළේය.
දෙවන ලෝක යුද්ධයෙන් අනතුරුව, ප්රංශයේ පාලකයා වූ, මාර්ෂල් ෆිලිප් පෙටේන් ( Philippe Petain)ට පසු, යුරෝපා සංගමයට අයත් රටක හිටපු රාජ්ය නායකයකු සිර දඬුවම් ලද, ඉතිහාසයේ ප්රථම අවස්ථාව මෙය වේ.
2007 සිට 2012 දක්වා සාර්කෝසි ප්රංශ ජනපති ධුරය හෙබවීය.
තමා සිර බත් කෑමට බිය නොවන බවත්, සිපිරිගෙයි දොරටු අභියස වුව හිස කෙලින් තබා සිටින බවත්, ඔහු කියා සිටියේය.
ඔහු, තමන්ට එරෙහි චෝදනා සියල්ල ප්රතික්ෂේප කර සිටී. එම චෝදනා දේශපාලන හේතු මත ගොතන ලද බව ඔහුගේ ප්රති-චෝදනාවයි.
සාර්කෝසි මීට පෙරද දූෂණ චෝදනාවකට දඬුවම් ලද්දෙකි. රැකියාවේ උසස්වීම් ලබා දෙන බව පවසා, විනිසුරුවකුගෙන් රහස්ය තොරතුරු ලබා ගැනීම එම චෝදනාවයි. එහිදී, සිර දඬුවම් හිමි නොවුවද, වළලුකර වටා ඉලෙක්ට්රොනික පටියක් පැළඳ කටයුතු කිරීමට ඔහුට සිදු විය.
(සටහන | Reuters ඇසුරින්; හර්ෂ උදයකාන්ත පීරිස්)
(
10/21/2025
මුලාශ්රය :
Defiant former French president Sarkozy to begin five-year prison term
