එක්සත් ජනපදය, දකුණු ඇමෙරිකාවට නාවුක-ගුවන් බලගණයක් පිටත් කර හරී.
ඊයේ (24), ලතින් ඇමෙරිකානු කැරිබියන් කලාපයට එම හමුදා යෙදවීමට ජනපති ඩොනල්ඩ් ට්රම්ප් පරිපාලනය පියවර ගත්තේය.
ඒ අනුව, යුද ගුවන් යානා ප්රවානාහනය කෙරෙන ජෙරල්ඩ් ෆෝර්ඩ් (Gerald Ford) නෞකාව සහ ඊට අයත් බල මුලු එම කලාපයේ ස්ථාන ගත කෙරිණි. ඊට යුද නැව් 8ක්, න්යෂ්ටික සබ්මැරීනයක් සහ F-35 ප්රහාරක යානයක් ද ඇතුළත්ය.
කලාපය ඔස්සේ සිදු කෙරෙන මහා පරිමාණ මත්ද්රව්ය වෙළඳාම සහ ප්රවාහනය මුළුමනින් වළකාලීම මෙහි අරමුණයි.
එක්සත් ජනපදයේ මීළඟ ඉලක්කය වෙනිසියුලාවය. ඉකුත් වකවානුවේ, ට්රම්ප් අණින් එහි එක්සත් ජනපද ඔත්තු සේවා ක්රියාත්මක කෙරිණි. වෙනිසියුලාව මහා පරිමාණ මත්ද්රව්ය ජාවාරම්කරුවන්ට සෙවන සලසන බවට සහ රට තුළ ස්ථාපිත ප්රජාතාන්ත්රික ආයතන පද්ධතියට බලපෑම් එල්ල කරන බවට එක්සත් ජනපදය චෝදනා කරයි.
නව හමුදා ක්රියාන්විතය මගින්, කලාපයේ නීති විරෝධී ක්රියා සහ එවැනි ක්රියාසිදුකරන්නන් නිරීක්ෂණය කර, හඳුනා, අනාවරණය කර ගැනීමටත්, එමගින් එක්සත් ජනපද කලාපයේ ආරක්ෂාව තහවුරු කිරීමට පියවර ගැනීම ඔස්සේ, බටහිර අර්ධගෝලයේ ආරක්ෂාව තහවුරු කිරීමට කටයුතු කරන බව පෙන්ටගන ප්රකාශක, සීන් පාර්නෙල් (Sean Parnell), එක්ස් (X) පණිවුඩයක් මගින් දන්වා සිටී.
2017 වසරේ සේවයට එක්වූ එක්සත් ජනපදයට අයත් ජෙරල්ඩ් ෆෝර්ඩ් යුද නෞකාව, එරට නවතම සහ ලොව විශාලතම ප්රහාරක යුද නෞකාව වේ. එහි නාවුක භටයින් 5000කට අධික පිරිසක් සේවයේ යොදවා තිබේ.
(සටහන | Reuters ඇසුරින්; හර්ෂ උදයකාන්ත පීරිස්)
(
10/25/2025
මුලාශ්රය :
US to escalate military presence in South America with aircraft carrier group
