හමාස් සංවිධානය විසින් ඊශ්රායලය වෙත ඊයේ (02) භාර දුන් මිනිස් සිරුරු කොටස් ගාසා ප්රාණ ඇපකරුවකුගේ නොවන බව ඒ පිලිබඳ වෝහාරික පරීක්ෂණයකින් තහවුරු වී ඇතැයි, එරට අග්රාමාත්ය කාර්යාලය කියයි.
හමාස් භාරයේ සිටියදී මරණයට පත් අවසන් ප්රාණ ඇපකරුවන් දෙදෙනාගෙන් කෙනකු බව පවසා, එම සංවිධානය විසින් අදාළ සිරුරු කොටස් රතු කුරුස සංවිධානය හරහා ඊශ්රායල හමුදා වෙත භාර දීමට කටයුතු කර තිබිණි.
ඊශ්රායලයේ වෝහාරික වෛද්ය විද්යාව පිලිබඳ ජාතික මධ්යස්තානයේදී එම හඳුනාගැනීමේ පරීක්ෂණ සිදු කෙරිණි.
ප්රාණ ඇපකරුවන්ව සිටියදී ජීවිතක්ෂයට පත්, ඊශ්රායල පොලිස් නිලධාරී රැන් ග්විලී (Ran Gvili ) සහ තායි ජාතික සුද්ථිසක් රින්ථලක් ( Sudthisak Rinthalak) යන අයගේ මළ සිරුරු ඊශ්රායලය වෙත භාර දීමට හමාස් සංවිධානය තවමත් අපොහොසත්ව සිටී. 2023 ඔක්තෝබර 7 දා, ඊශ්රායලයේ සිදු කළ ම්ලේච්ඡ හමාස් ත්රස්ත ප්රහාරයේදී ඔවුන් හමාස් ප්රාණ ඇපයට පත් විය.
(සටහන | Reuters ඇසුරින්; හර්ෂ උදයකාන්ත පීරිස්)
මුලාශ්රය :
Israel says remains Hamas handed over on Tuesday are not those of a Gaza hostage -By Reuters
Israel says remains Hamas handed over on Tuesday are not those of a Gaza hostage -By Reuters
