ඊශ්රායලය අද (02) ඊජිප්තු දේශ සීමාවේ රෆා කොරිඩෝව යළි විවෘත කළේය.
සීමිත පලස්තීනුවන් පිරිසකට පමණක් ඒ ඔස්සේ පාගමනින් පිටවීමට සහ ඇතුළු වීමට අවසර හිමි වේ. ඒ අනුව, අද එය විවෘත කිරීමත් සමග පලස්තීන ජාතිකයින් අතලොස්සකට ගාසා තීරයෙන් පිටවීමට සහ යුද්ධය නිසාවෙන් ගාසා තීරයෙන් පලා ගිය සුළුතරයකට යළි ඒ වෙත පිවිසීමට අවසර හිමි විය.
රෆා කොරිඩෝව ඊශ්රායල පාලනය යටතේ පවතී. කලක් අඩ මිලියන අඩකට ආසන්න ජනගහනයකින් යුක්ත වූ එම ප්රදේශය ඊශ්රායලය විසින් මුළුමනින් විනාශ කර ජන ශුන්ය කෙරිණි. ගාසා තීරයේ මිලියන 2කට ආසන්න සමස්ත ජනගහනයට බාහිර ලොව සමග භූමිය මතින් සම්බන්ධ වීමට ඇති එකම මාවත එය වේ.
ගාසා යුද්ධය පැවති කාලය මුළුල්ලේම පාහේ එය වසා තැබීමට ඊශ්රායල හමුදා පියවර ගත්හ. එය යළි විවෘත කිරීම ඉකුත් ඔක්තෝබරයේ ඇරඹි ගාසා සටන් විරාමයේ මුල් අදියර තවත් කොන්දේසියක් සපුරාලීමකි.
එය යළි විවෘත වූ අද දින, ඒ ඔස්සේ පලස්තීනුවන් 50 දෙනකු යළි ගාසා තීරයට ඇතුළු වීමට නියමිතව තිබිණි. එවැනිම සංඛ්යාවකට ඉන් පිටවීමට ද අවසර හිමි විය. ඒ සියල්ලෝ දැඩි ඊශ්රායල ආරක්ෂක පරීක්ෂාකිරීම් වලට භාජනය වේ.
ගාසා යුද්ධය ඇරඹි මුල් මාස කිහිපය තුළ 100,000කට අධික පලස්තීන ජනකායක් රෆා කොරිඩෝව ඔස්සේ පලා ගියහ.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්රය :
Slow movement at Gaza border after Israel reopens Rafah crossing
