උතුරු පළාත් ආණ්ඩුකාරවරයා දුන් පොරොන්දුවකින් පසුව දෙමළ සිරකරුවන් විසින් තමන් නිදහස් කරන ලෙස ඉල්ලා දින එකලොහක් පුරා ගෙන ගිය උපවාසය අත් හිටුවා තිබේ.


2019 -2020 වසර වලදී ආරක්ෂක හමුදා මගින් විවිධ හේතුන් මත ත්‍රස්ත පනත යටතේ අත්අඩංගුවට ගෙන කොළඹ මැගසින් බන්ධනාගාරයේ සිරගත කොට සිටී දෙමළ සිරකරුවන් 13 දෙනෙකු සැප්තැම්බර් 6 වැනිදා සිට උපවාසයක් ඇරඹියේ ඇප මත හෝ තමන් නිදහස් කරන මෙන් ඉල්ලමින්.

දින හයක් ගතවීමෙන් අනතුරුව උපවාසයේ යෙදුනු සිරකරුවන් හය දෙනෙකුගේ සෞඛ්‍ය තත්වය අසාධ්‍ය බැවින් බන්ධනාගාර රෝහලට ඇතුලත් කර ඇත.

මෙම සිරකරුවන්ගේ ඥාතින් විසින් යාපනය නගරයේ පිහිටි උතුරු පළාත් ආණ්ඩුකාර කාර්යාලය ඉදිරිපිට සැප්තැම්බර් 16 වැනිදා උපවාසයක් ආරම්භ කරනු ලැබුවේ  ආණ්ඩුකාර ජීවන් ත්‍යාගරාජා ට ඊට විසදුම් ලබා දෙන ලෙස ඉල්ලමින්.

 ඔවුන් කියා සිටියේ හමුදාව මගින් අත් අඩංගුවට ගෙන සිරගත කොට ඇති මෙම දෙමළ තරුණයන්ව උසාවියට ඉදිරිපත් නොකොට රඳවා සිටින බවයි.

ඒ අනුව උතුරු පළාත් ආණ්ඩුකාර ත්‍යාගරාජා පෙරේදා [17] කොළඹ මැගසින් බන්ධනාගාරයට ගොස් උපවාසයේ යෙදී සිටින දෙමළ සිරකරුවන් හමුවී ඔවුන්ව හැකි ඉක්මනින් නිදහස් කරන බවට පොරොන්දුවූ බවට එම සිරකරුවන්ගේ ඥාතීහු පැවසුහ.

ඒ අනුව මැගසින් බන්ධනාගාරයේ උපවාසයත්, යාපනය ආණ්ඩුකාර කාර්යාලය ඉදිරිපිට පැවති සිරකරුවන්ගේ ඥාතීන්ගේ අත්හැර දැමිණි.



 එස්. උදයසිවම්, යූ. උමාසුදන්, එම්. පාර්තීබන්, එල්. ඉම්බරාජ්, වයි. රොබින්සන්, ආර්. සයන්දන්, පී. නගුලේස්වරන්, එස්. සුදාහරන්, යූ. සතීස්කුමාර්, එස්. සසීදන්, ආර්. විවේකානන්දන්, වයි. ඩඩ්ලි සහ එල්.අජන්තන් යන දෙමළ සිරකරුවන්  දහ තුන් දෙනා උපවාසයට එක් වුහ.



මේ අතර ත්‍රස්ත පනත යටතේ අත්අඩංගුවට ගෙන දිගු කලක් සිරගත කර සිටින දෙමළ දේශපාලන සිරකරුවන් 46 දෙනා නිදහස් කරන බවට ජනාධිපති රනිල් වික්‍රමසිංහ ලබා දුන් පොරොන්දුව තව දුරටත් දෙමළ ජනයා රැවටීමක් බවට උතුරේ දේශපාලන පක්‍ෂ හා බහුජන සංවිධාන පෙන්වා දී තිබේ.

''රන්ජන් රාමනායකට ජනාධිපති පොදු සමාවක් දීලා නිදහස් කරත්, දෙමළ දේශපාලන සිරකරුවන් ගැන කිසිම දෙයක් කරලා නැහැ. ජාතික සිරකරුවන්ගේ දිනය වෙනුවෙන් 417 ක් නිදහස් කළා. ඒත් ඒකට  එකදු දෙමළ දේශපාලන සිරකරුවෙක් ඇතුලත් නැහැ. දෙමළ දේශපාලන සිරකරුවන් හතළිස් හයදෙනා නිදහස් කරන අපේක්ෂාවෙන් හිටියේ ජනාධිපතිගේ පොරොන්දුව නිසා, දැන් ඒකත්  රැවටීමක්,'' යැයි `හඬක් නැතිවුන්ගේ හඬ` සංවිධානයේ සම්බන්ධිකාරක මුරුගයියා කෝමගන් සඳහන් කළේ පසුගිය දා යාපනය මාධ්‍ය සමාජයේදී  ප්‍රදේශයේ මාධ්‍යවේදීන් අමතමින්.

වසර 10 සිට 20 කට වැඩි කලක් සිරගත කර සිටින මෙම දෙමළ දේශපාලන සිරකරුවන් 46 දෙනා අතරින්, පොලිස් හා නීතිපති දෙපාර්තමේන්තු නිලධාරීන් ගොනු කළ අසත්‍ය චෝදනා නිසා සිරකරුවන් 24 දෙනෙකුට අධිකරණය මගින් දඩුවම් ලබා දී තිබේ.

''දඩුවම් ලබා සිටින දෙමළ දේශපාලන සිරකරුවෝ 24 වහාම නිදහස් කරන බවත්, රඳවා තබාගෙන සිටින 22  දෙදෙනාට එරෙහිව කිසියම් පැමිණිලි තිබේද, නැද්ද, යන්න ගැන ජනාධිපති කොමිසමේ නිර්දේශ අනුව ඔවුන්ව නිදහස් කරන බවට ජනාධිපති පොරොන්දු වුණා,'' යැයි සති කිහිපයකට පෙර ජනාධිපති රනිල් වික්‍රමසිංහ හදිසියේ හමුවී පැවති සාකච්ජාවකින් අනතුරුව මෙම පොරොන්දුව දුන් බව ටෙලෝ මාධ්‍ය ප්‍රකාශක සුරේන්ද්‍ර ගුරුසාමි පවසා ඇත.


සබැඳි පුවත් 
සිරකරුවන් බැලීමට එන දෙමළ කාන්තාවන්ට අතවර කළ බවට පැමිණිලි

දෙමළ සිරකාර උපවාසයට සතියයි: යාපනයේ විරෝධතා

දෙමළ සිරකරුවන්ගේ නිරාහාර උපවාස සටනට අදට දින තුනයි !

දෙමළ දේශපාලන සිරකරුවන් 12 ක් උපවාසයේ : ආණ්ඩුව 'ව්‍යාජ රංගනයක' !

දෙමළ මාතාවක් දේශපාලන සිරකරුවන් නිදහස සිංහලෙන්ම ඉල්ලයි

 

The LEADER Whatsapp Group එකට එකතුවෙන්න. 
W

subscribeYT

WhatsApp Image 2021 09 13 at 13.49.58

ඇට මැස්සා