ජාත්යන්තර ක්රියාකාරීන් සහ ගාසා තීරය වෙත මානුෂීය ආධාර රැගෙන යමින් තිබූ නාවුක ඇණියක් ඊයේ (02) අතරමග නවතාලූ ඊශ්රායල හමුදා ඒවා ඊශ්රායල වරායක් වෙත රැගෙන යාමට කටයුතු කළහ.
ඊට එරෙහිව ජාත්යන්තර විරෝධය මතු වෙමින් පවතී.
පලස්තීනයට සහාය පිණිස මධ්යධරණී කලාපයේ මේ වන විට උණුසුම් තත්ත්වයක් වර්ධනය වෙමින් පවතී.
එම යාත්රා මත ට නැගි ඊශ්රායල හමුදා භටයෝ එහි කාර්ය මණ්ඩල ප්රශ්න කර සිටියහ. එක් විදෙස් යාත්රාවකට ඇතුළු වූ එම භටයින්, කාලගුණ විපර්යාස පිලිබඳ ජාත්යන්තර කීර්තියට පත් ක්රියාකාරිනියක වන ස්වීඩන ජාතික ග්රේටා තර්න්බර්ග් (Greta Thunberg) වටකර සිටින ඡායාරූපයක් රොයිටර්ස් පුවත් සේවය විසින් හඳුනා ඇති බව වාර්තා වේ.
හමාස් සංවිධානයට සහාය පල කරමින් යාත්රා කළ ජාත්යන්තර නෞකා ඇණියක් ආරක්ෂාකාරීව නවතා එහි ගමන්ගත් මගීන් ඊශ්රායල වරායක් වෙත මාරු කර යැවූ බව එරට විදේශ අමාත්යංශය එක්ස් (X) පණිවුඩයක් මගින් දන්වා සිටියේය.
ගාසා තීරය වෙත අත්යවශ්ය ඖෂධ සහ ආහාර රැගෙන යමින් සිටි යාත්රා 40කින් පමණ සමන්විත එක් නෞකා ඇණියක, සාමාජිකයින් 500ක පාර්ලිමේන්තු කණ්ඩායමක්, නීතිඥයින් සහ සමාජ ක්රියාකාරීන් වූ බව ද වාර්තා වේ.
පලස්තීන සහයට පැමිණි ඇතැම් යාත්රාවල ගමන් ගත් මගීහු, සිය විදෙස් ගමන් බලපත් විදහා දක්වමින්, ඊශ්රායල හමුදා සිය අභිමත ගමනාන්තය වළකාලමින් මගීන් පැහැර ගනිමින් ඇති බවට විරෝධය දක්වන වීඩියෝ දර්ශන, ටෙලිග්රෑම් (Telegram) සමාජ මාධ්යයේ පල කර ඇතැයි විදෙස් මාධ්ය පවසයි. සිය ප්රයත්නය භීෂණයෙන් තොර මානුෂීය අරමුණක් උදෙසා පමණක් බව ඔවුහු පවසති.
මධ්යධරණී මුහුදේ යාත්රා කරන එම යාත්රා හි ගමන් ගන්නා සිය රටවලට අයත් මගීන් ගේ සහාය පිණිස තුර්කිය, ස්පාඥ්ඥය සහ ඉතාලිය සහායක යාත්රා සහ ඩ්රෝන යානා පිටත් කර හැරි බව ද වාර්තා වේ. ඒවා වහා යළි හරවා යවන ලෙස ඊශ්රායලය විසින් අනතුරු අඟවා තිබේ.
එම ජාත්යන්තර නෞකා ඇණිය වෙත සිදු කළ ඊශ්රායල ප්රහාරය ත්රස්ත ක්රියාවක් බව තුර්කි විදේශ අමාත්යංශය දන්වා සිටී.
ඊශ්රායලය ගාසා තීරයට මානුෂීය ආධාර බෙදා හැරීම අවහිර කිරීම ට එරෙහිව ජාත්යන්තරය ගත් නවතම පියවර මෙම සිවිල් යාත්රා බල ඇණියයි. ඊශ්රායල හමුදා විසින් ඊට බාධා පැමිණවීම යුද අපරාධයක් බව එහි සංවිධායකයෝ පවසති.
(සටහන | Reuters ඇසුරින්; හර්ෂ උදයකාන්ත පීරිස්)
(
10/2/2025
මුලාශ්රය :
Israeli military boards several aid boats bound for Gaza
