ඕස්ට්රේලියාවේ බොන්ඩි ප්රදේශයේ මෙවර නත්තල් සැමරුම් නිහඬ ස්වභාවයක් ගෙන තිබේ.
සතියකට පමණ ඉහත, ජනප්රිය බොන්ඩි වෙරළ තීරයේ යුදෙව් සැමරුමකට පිය - පුතු ප්රහාරක දෙපළක් එල්ල කළ ත්රස්තවාදී වෙඩි ප්රහාරයකින් පුද්ගල ජීවිත 15ක් අහිමි විය. දශක 3කට පමණ පසු එහි සිදු වූ අතිශය දරුණුතම සමූහ පුද්ගල ඝාතනය එය වේ.
බොන්ඩි වෙරළ තීරය එරට සාම්ප්රදායික නත්තල් ගමනාන්තයකි. මේ වන විට, එහි පොලිස් ආරක්ෂාව තර කර තිබේ. නත්තල් හිස්වැසුමින් සැරසි බොහෝ පිරිසක් එහි එක්ව සිටියද, ඒ සියල්ලන්ගේම සිත් පසු ගිය දා සිදු වූ මනුෂ්ය ඝාතනයෙන් සසලව පවතී. එහිදී විපතට පත්වූවන්ගේ පවුල් සාමාජිකයින් වෙනුවෙන් ඔවුහු සිය ශෝකය පල කළහ.
ඊයේ, එරට පාර්ලිමේන්තුවේදී මහජන එකරාශිවීම් පිලිබඳ නව පනතක් ද සම්මත කෙරිණි. ඒ අනුව, රට පුරා එම නීති දැඩි කර තිබේ.
නත්තල් දා, වෙරළ තීරයට රැස් වූ බොහෝ පිරිස් එහි වූ නත්තල් ගස අසල සිට ඡායාරූප ගැනීමේ නිරත වූහ. ඇතැමෙක් ජීවිතාරක්ෂක නිල්ලධාරීන් හා ඡායාරූපයට එක් වූහ. පවතින සුළං සහිත කාලගුණ තත්ත්වය හේතුවෙන් ඒ වෙත පැමිණෙන පිරිස් හි පැහැදිලි අඩුවක් දක්නට ලැබිණි.
ත්රස්ත ප්රහාරය එල්ල වූ ස්ථානය අසල පිහිටි, ලෝක උරුමයක් ලෙස නම් කර ඇති බොන්ඩි ප්රේක්ෂකාගාර ගොනගිල්ලේ ධජ තවමත් අඩ කුඹව ලෙලදේ.
නත්තල් දින, මෙල්බර්න් නුවරදී, "සුභ හනුක්කාවක්" ( Happy Chanukah) ලෙස සටහනක් යෙදූ මෝටර් රථයකට ගිනි තැබිණි. සිද්ධියෙන් කිසිවකුටත් තුවාළ නැතැයි, ඕස්ට්රේලියානු මාධ්ය වාර්තා කළේය.
එරට යුදෙව් ජාතිකයින්ට එරෙහිව සිදු වන අමානුෂික ක්රියා අවසන් කිරීමට අග්රාමාත්ය, ඇන්තනී ඇල්බනීස් තවමත් නිසි ක්රියාමාර්ග ගෙන නැති බවට පෘථුල චෝදනා පවතී.
2023 ඔක්තෝබර ගාසා සටන් ඇරඹි තැන් සිට ඕස්ට්රේලියාවේ ස්ථාන රැසක යුදෙව් විරෝධී ප්රහාර එල්ල විය.
(සටහන |Reuters ඇසුරින්; හර්ෂ උදයකාන්ත පීරිස්)
(
12/25/2025
මුලාශ්රය :
Christmas celebrations muted at Bondi as Australians grieve after deadly shooting
