රේගුවේ සහ මෝටර් රථ ප්‍රවාහන දෙපාර්තමේන්තුවේ දූෂිත නිලධාරීන්ගේ සහයෙන් සිදුකළ මහා පරිමාණ ජාවාරමක්
රුපියල් කෝටි ගණනක රේගු බදු වංචා කරමින් නීති විරෝධී ලෙස මෙරටට ගෙනවුත්, ව්‍යාජ ලෙස ලියාපදිංචි කර ධාවනය කරවනු ලබන සුඛෝපභෝගී රථවාහන 500කට ආසන්න ප්‍රමාණයක් සොයා ත්‍රස්ත මර්දන හා විමර්ශන කොට්ඨාසය (TID) විසින් විශේෂ විමර්ශනයක් ආරම්භ කර තිබේ.
අදාළ වාහන අතින් වැඩි ප්‍රමාණයක් හිටපු දේශපාලනඥයන්, ඔවුන්ට හිතවත් ව්‍යාපාරිකයන් සහ ප්‍රභූන් විසින් දැනට භාවිත කරනු ලබන බවට තොරතුරු අනාවරණය වී ඇත.
ජාවාරම සිදුවූ ආකාරය සහ රාජ්‍ය නිලධාරීන්ගේ සම්බන්ධය
විමර්ශනවලට අනුව, මෙම සුඛෝපභෝගී වාහන කොටස් වශයෙන් මෙරටට ආනයනය කර නැවත එකලස් කර ඇති අතර, ඊට රේගු දෙපාර්තමේන්තුවේ ඇතැම් නිලධාරීන්ගේ සහාය ලැබී තිබේ.
එලෙස එකලස් කරන ලද වාහන නීත්‍යානුකූල වාහන ලෙස පාරට දැමීම සඳහා මෝටර් රථ ප්‍රවාහන දෙපාර්තමේන්තුවේ (DMT) නිලධාරීන් කූට ලේඛන සකසමින් ව්‍යාජ ලියාපදිංචි කිරීම් සිදුකර ඇති බව මූලික විමර්ශනවලදී තහවුරු වී ඇත. පසුගිය ආණ්ඩු සමයන්හිදී මෙම ජාවාරම ජාලගතව සිදුව ඇති බව පැවසෙන අතර, දැනටමත් මෙලෙස ධාවනය වන වාහන රැසක් හඳුනාගෙන ඇති ත්‍රස්ත මර්දන හා විමර්ශන කොට්ඨාසය ඒවා ඉදිරියේදී භාරයට ගැනීමට සූදානම් වේ.
පෙර පැවති විමර්ශන සහ අත්අඩංගුවට ගැනීම්
නීති විරෝධී වාහන ලියාපදිංචි කිරීම් සම්බන්ධයෙන් මෝටර් රථ ප්‍රවාහන දෙපාර්තමේන්තුවේ හිටපු කොමසාරිස්වරුන් දෙදෙනෙකු ඇතුළු නිලධාරීන් පිරිසක් මෑතකදී අල්ලස් හෝ දූෂණ චෝදනා විමර්ශන කොමිෂන් සභාව මගින් ද අත්අඩංගුවට ගන්නා ලදී.
මීට පෙර 2023 වසරේදී පානදුර මධ්‍යම දූෂණ මර්දන ප්‍රහාරක බලකාය මගින් සිදුකළ වැටලීම් මාලාවකදී ද දේශපාලනඥයන් සතුව තිබූ මෙවැනි නීති විරෝධී වාහන 100කට ආසන්න ප්‍රමාණයක් භාරයට ගත් අතර, එහිදී තවත් වාහන 400ක පමණ ව්‍යාජ ලේඛන සොයාගැනීමට හැකි විය. පසුව අදාළ විමර්ශන වැඩිදුර කටයුතු සඳහා අපරාධ පරීක්ෂණ දෙපාර්තමේන්තුව (CID) වෙත භාරදීමට කටයුතු කෙරිණි.
රුපියල් කෝටි ගණනක රේගු බදු වංචා කරමින් නීති විරෝධී ලෙස මෙරටට ගෙනවුත්, ව්‍යාජ ලෙස ලියාපදිංචි කර ධාවනය කරවනු ලබන සුඛෝපභෝගී රථවාහන 500කට ආසන්න ප්‍රමාණයක් සොයා ත්‍රස්ත මර්දන හා විමර්ශන කොට්ඨාසය (TID) විසින් විශේෂ විමර්ශනයක් ආරම්භ කර තිබේ.
අදාළ වාහන අතින් වැඩි ප්‍රමාණයක් හිටපු දේශපාලනඥයන්, ඔවුන්ට හිතවත් ව්‍යාපාරිකයන් සහ ප්‍රභූන් විසින් දැනට භාවිත කරනු ලබන බවට තොරතුරු අනාවරණය වී ඇත.
ජාවාරම සිදුවූ ආකාරය සහ රාජ්‍ය නිලධාරීන්ගේ සම්බන්ධය
විමර්ශනවලට අනුව, මෙම සුඛෝපභෝගී වාහන කොටස් වශයෙන් මෙරටට ආනයනය කර නැවත එකලස් කර ඇති අතර, ඊට රේගු දෙපාර්තමේන්තුවේ ඇතැම් නිලධාරීන්ගේ සහාය ලැබී තිබේ.
එලෙස එකලස් කරන ලද වාහන නීත්‍යානුකූල වාහන ලෙස පාරට දැමීම සඳහා මෝටර් රථ ප්‍රවාහන දෙපාර්තමේන්තුවේ (DMT) නිලධාරීන් කූට ලේඛන සකසමින් ව්‍යාජ ලියාපදිංචි කිරීම් සිදුකර ඇති බව මූලික විමර්ශනවලදී තහවුරු වී ඇත. පසුගිය ආණ්ඩු සමයන්හිදී මෙම ජාවාරම ජාලගතව සිදුව ඇති බව පැවසෙන අතර, දැනටමත් මෙලෙස ධාවනය වන වාහන රැසක් හඳුනාගෙන ඇති ත්‍රස්ත මර්දන හා විමර්ශන කොට්ඨාසය ඒවා ඉදිරියේදී භාරයට ගැනීමට සූදානම් වේ.
පෙර පැවති විමර්ශන සහ අත්අඩංගුවට ගැනීම්
නීති විරෝධී වාහන ලියාපදිංචි කිරීම් සම්බන්ධයෙන් මෝටර් රථ ප්‍රවාහන දෙපාර්තමේන්තුවේ හිටපු කොමසාරිස්වරුන් දෙදෙනෙකු ඇතුළු නිලධාරීන් පිරිසක් මෑතකදී අල්ලස් හෝ දූෂණ චෝදනා විමර්ශන කොමිෂන් සභාව මගින් ද අත්අඩංගුවට ගන්නා ලදී.
මීට පෙර 2023 වසරේදී පානදුර මධ්‍යම දූෂණ මර්දන ප්‍රහාරක බලකාය මගින් සිදුකළ වැටලීම් මාලාවකදී ද දේශපාලනඥයන් සතුව තිබූ මෙවැනි නීති විරෝධී වාහන 100කට ආසන්න ප්‍රමාණයක් භාරයට ගත් අතර, එහිදී තවත් වාහන 400ක පමණ ව්‍යාජ ලේඛන සොයාගැනීමට හැකි විය. පසුව අදාළ විමර්ශන වැඩිදුර කටයුතු සඳහා අපරාධ පරීක්ෂණ දෙපාර්තමේන්තුව (CID) වෙත භාරදීමට කටයුතු කෙරිණි.
