Breaking News• උණුසුම් පුවත්

කොළඹ මල් පාර ඒකාබද්ධ විපක්ෂ කාර්යාලයේ ඊයේ (1) පැවැති මාධ්‍ය සාකච්ඡාව අමතමින් හිටපු අමාත්‍ය රාජිත සේනාරත්න වත්මන් පාලකයින්ට දැඩි ආර්ථික විවේචනයක් එල්ල කළේය.

2016 දී සිදු වූ මහ බැංකු බැඳුම්කර නිකුතුවට අදාළව රජයේ අරමුදල් රුපියල් බිලියන 36 කට වඩා අවභාවිත කර ඇති බවට පුද්ගලයින් 13 දෙනෙකුට එරෙහිව ගොනු කර ඇති නඩුව වහාම විභාගයට ගැනීමට ශ්‍රේෂ්ඨාධිකරණය අද (01) නියෝග කළේය.

පිවිතුරු හෙළ උරුමයේ නායක උදය ගම්මන්පිල විසින් විද්‍යුත් නාලිකා ඔස්සේ සිදුකරන ලද ප්‍රකාශ කිහිපයක් සම්බන්ධයෙන් අපරාධ පරීක්ෂණ දෙපාර්තමේන්තුව (CID) ආරම්භ කර ඇති විමර්ශනවලට අදාළව අධිකරණයෙන් සුවිශේෂී නියෝගයක් නිකුත් වී තිබේ.

බහිරවකන්ද සුදර්ශනාරාම විහාරස්ථානයේ (ශ්‍රී මහා බෝධි විහාරය) 25 හැවිරිදි බෞද්ධ හිමිනමක් විසින් 15 හැවිරිදි බාලවයස්කාර දැරියක් අපයෝජනය කිරීමේ තැතිගන්වනසුලු පුවතක් මහනුවරින් වාර්තා වේ.

බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන්ට එරෙහිව, ඉස්ලාම් දහමට අපහාස වන අයුරින් ප්‍රකාශ සිදු කිරීම සම්බන්ධයෙන් පවතින නඩුව විභාග කිරීම සඳහා ලබන ජූනි 26 වනදා නැවත කැඳවීමට කොළඹ මහාධිකරණය නියම කර තිබේ.

පාර්ලිමේන්තුවට තේරී පත්වන මන්ත්‍රීවරුන් මුදලට හෝ වරප්‍රසාදවලට පිල් මාරු කිරීමේ දූෂිත සංස්කෘතිය සහමුලින්ම තුරන් කිරීම සඳහා වන "පක්ෂ මාරු තහනම් පනත් කෙටුම්පත" සකස් කිරීමේ මූලික කටයුතු මේ වන විට සාර්ථකව ආරම්භ කර තිබේ.

ලෝක වෙළඳපොළේ ඉන්ධන මිල ශීඝ්‍රයෙන් ඉහළ යාමත් සමඟ මෙරට ආර්ථිකයට ඔරොත්තු නොදෙන මට්ටමට ඩොලර් පිටතට ගලා යාමේ බරපතල අර්බුදයකට රජය මුහුණ දී සිටී.

වත්මන් ආණ්ඩුව ජනතාව මත අධික බදු බරක් පටවමින්, විදේශගත ශ්‍රමිකයන් අසීරුවෙන් උපයන ඩොලර් වංචනික ජාවාරම් හරහා කොල්ලකන බව හිටපු අමාත්‍ය පාඨලී චම්පික රණවක පවසයි.

* අර්බුද සහ සුළිකුණාටු මැද ආදායම බිලියන 585 දක්වා ඉහළට* දේශීය වෙළෙඳපොළ ආක්‍රමණය සහ රුපියල් බිලියන 9ක ප්‍රාග්ධන මෙහෙයුම* ආදායම 19%කින් වැටේද්දී බදු පෙර ලාභය 4%කට සීමා වූයේ ඇයි?

ලෝක වෙළඳපොළේ බොරතෙල් මිල පහත වැටීමේ සහනය අනෙක් රටවල් තම ජනතාවට ලබා දෙද්දී, ශ්‍රී ලංකා රජය ජාත්‍යන්තර මූල්‍ය අරමුදලේ (IMF) කොන්දේසිවලට යටත් වෙමින් පස් මාසයක් තුළ හත්වැනි වතාවටත් ඉන්ධන මිල ඉහළ දමා ජනතාව දැඩි පීඩනයකට පත් කර ඇති බව හිටපු අමාත්‍ය මහාචාර්ය ජී.එල්. පීරිස් පවසයි.

වෙනම රටක් ඉල්ලා සිටීමට හේතු වුයේ බෞද්ධ ආධිපත්‍ය සහිත ඒකීය රාජ්‍යය තුළ දෙමළ ජනතාවට යුක්තිය නොලැබීම නිසා බව වසර විසි දෙකකට ඉහතදී වෙඩි පහරින් බිම හෙලන ලද ජ්‍යෙෂ්ට දෙමළ මාධ්‍යවේදියකුගේ අනුස්මරණයකට එක්වෙමින් දෙමළ ජනතා නියෝජිතයකු පවසා තිබේ.

ශ්‍රී ලංකාවේ ස්නායු රෝගී ප්‍රතිකාර සේවාවන් අතිශය පුළුල් හා කාර්යක්ෂම කිරීමේ අරමුණින්, කොළඹ ශ්‍රී ලංකා ජාතික රෝහලේ (NHSL) රුපියල් මිලියන 99ක් වැය කර පූර්ණ ප්‍රතිසංස්කරණය කරන ලද "ස්නායු රෝග විද්‍යා ආයතනය" (Institute of Neurology) අද (ජුනි 01) පෙරවරුවේ ජනතා අයිතියට පත් කෙරිණි.

ලෝක කුසලාන පාපන්දු තරගාවලියට සහභාගි වන ඉරාන කණ්ඩායමට අමෙරිකාව ට ඇතුළු වීම සඳහා බහු-වීසා (multiple-entry) පහසුකම් සැලසීමට ජාත්‍යන්තර පාපන්දු සම්මේලනය (FIFA) කටයුතු කරනු ඇතැයි ඉරානයේ පාපන්දු සම්මේලනය අපේක්ෂා කරනවා.

වත්මන් ආණ්ඩුව බලයට පත්වීමට පෙර ජනතාවට දුන් පොරොන්දු අමතක කර, තමන්ගේ නොහැකියාව, වංචාව සහ දූෂණය හේතුවෙන් සිදුවන සියලු පාඩු ජනතාව පිට පටවමින් සිටින බව ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ පවසයි.

යහපාලන රජය සමයේ රාජගිරිය ප්‍රදේශයේ පිහිටි පෞද්ගලික ගොඩනැඟිල්ලක් කෘෂිකර්ම අමාත්‍යාංශය සඳහා කුලී පදනමත ලබාගැනීමේදී සිදුව ඇතැයි කියන අක්‍රමිකතා සම්බන්ධයෙන් වන විමර්ශනවලට අදාළව, හිටපු කෘෂිකර්ම අමාත්‍යාංශ ලේකම් බී. විජයරත්න ගෙන් අල්ලස් හෝ දූෂණ චෝදනා විමර්ශන කොමිෂන් සභාව අද (01) ප්‍රකාශ සටහන් කරගෙන තිබේ.