රාජ්‍ය අනුග්‍රහය පොරොන්දු පරිදි නොලැබීම නිසා මුලතිව්, කොක්කුතොඩුවායි සමූහ මිනීවලේ, සැලසුම් කළ පරිදි යලි කැනීමේ කටයුතු ආරම්භ කිරීම අවිනිශ්චිත වී තිබේ.
කැනීම් කටයුතු වල ඉදිරි තත්වය කෙබදුදැයි මුලතිව් දිස්ත්‍රික් මාධ්‍යවේදීන් සිදු කළ විමසීමකට ප්‍රතිචාර දක්වමින් සිරුරු ගොඩගැනීම මෙහෙයවන මුලතිව් දිස්ත්‍රික් රෝහලේ අධිකරණ වෛද්‍ය නිලධාරී කනගසභාපති වාසුදේව පවසා ඇත්තේ, මුල්‍ය ප්‍රතිපාදන නොමැති විමෙන් කැනීම් කටයුතු නතරවිමේ තත්වයක් දක්නට ලැබෙන බවයි.
"මුලතිව් දිස්ත්‍රික් ලේකම් කාර්යාලයේ ප්‍රධාන ගණකාධිකාරීවරයා අරමුදල් නෑ කියලා කිව්වා. කැනීම් කටයුතු නැවතීමේ පරිසරයක් තමයි දකින්න ලැබෙන්නේ. රසායනාගාර පරීක්ෂණ ප්‍රතිපලත් ප්‍රමාද වීමට ඉඩ තියනවා."
ජනාධිපති කාර්යාංශයෙන් මුදල් ලබා දෙන බවට පොරොන්දු වී තිබුනේ OMP හෙවත් අතුරුදහන් තැනැත්තන් පිළිබඳ කාර්යාලයයි.
සැප්තැම්බර් 15 වැනි දා කැනීම් කටයුතු නිමා විමෙන් පසුව, සිරුරු ගොඩගැනීමේ කටයුතු විමර්ශනයට පුරෝගාමී වී සිටි වෝහාරික පුරාවිද්‍යාඥ මහාචාර්ය රාජ් සෝමදේව සඳහන් කළේ සිදු කළ කැනීම් වල දී හමුවු සාක්ෂි විශ්ලේෂණය සදහා කැනීම් කටයුතු තාවකාලිකව නතර කරන බවයි.
"දැනට ලැබී තිබෙන සාක්ෂි ක්‍රමානුකුලව විශ්ලේෂණය කිරීම සදහා මාස 2 ක පමණ කාලයකට මේ පරීක්ෂා කිරීම නතර කරලා තියනවා. ඉතින් මේ මුලික විශ්ලේෂණ කටයුතු වලදී අධිකරණ වෛද්‍ය නිලධාරීතුමන්ලගෙත්, අපි කරපු ඒ සොයා ගත්තු ද්‍රව්‍යමය සාක්ෂිත් විශ්ලේෂණයට ලක් කරලා අපි ගරු අධිකරණයට වාර්තාවක් ලබා දීමට නියමිත තිබෙනවා. ඊට පස්සේ අපි මේ සමීක්ෂණය, පරීක්ෂණය තවදුරටත් කරගෙන යනවද නැද්ද කියන එක ගරු අධිකරණය තීරණය කරනතුරු අපි බලාපොරොත්තුවෙන් ඉන්නවා. කුමන තිරණයක් ලැබේද කියන කාරණය."
මුලතිව්, කොක්කුතොඩුවායි සමූහ මිනීවලේ කැනීම් කටයුතු යළි ආරම්භ කර දින නමයක් ගත වෙද්දී, පුද්ගලයන් දාහත් දෙනකුට අයත් අස්ථි කොටස් ගොඩ ගත් අතර, මේ වන විට එහි කැනීම් කටයුතු තාවකාලිකව නවතා තිබේ.
සමුහ මිනි වලේ කැනීම් කටයුතු සදහා වෙන් කර තිබුනේ රුපියල් ලක්ෂ 57 ට ආසන්න මුදලකි
අධිකරණ, බන්ධනාගාර කටයුතු හා ආ‍ණ්ඩුක්‍රම ව්‍යවස්ථා ප්‍රතිසංස්කරණ අමාත්‍යාංශයේ ලේකම් වෙනුවට, ගණකාධිකාරී (අධිකරණ පරිපාලන) විසින් මුලතිව් දිස්ත්‍රික් ලේකම්වරයා වෙත අගෝස්තු 22 දා "කොක්කුතුඩුවායි, මුලතිව් හි දී හමුවූ මිනිස් සිරුරු කොටස් සම්බන්ධයෙන් වන මහේස්ත්‍රාත් විමර්ශනය සඳහා වන ඇස්තමේන්තුව" මැයෙන් යවන ලද ලිපියක සදහන් වන්නේ රුපියල් ලක්ෂ 5,663,480.00ක මුදලක් වෙන් කරන බවයි.
සැප්තැම්බර් 15 වැනිදා කැනීම් කටයුතු තාවකාලිකව අවසන් කරන විට කොක්කුතොඩුවායි සමුහ මිනි වළෙන් එල්.ටී.ටී.ඊ සාමාජිකාවන්ගේ බවට සැක කෙරෙන සාක්ෂි කිහිපයක් ද හමු වී තිබුනි.
වෝහාරික පුරාවිද්‍යාඥ මහාචාර්ය රාජ් සෝමදේව සදහන් කරන්නේ මෙය කුමන අන්දමේ සිද්ධියක්ද යන්න සම්බන්ධයෙන් නිශ්චිත අදහසක් කිව නොහැකි බවයි.
කොක්කුතොඩුවායි මහාවිද්‍යාලයේ සිට කෝකිලායි දෙසට මීටර් 200ක් පමණ දුරකින් ජුනි 29 වැනි බ්‍රහස්පතින්දා හවස් යාමයේ මිනිස් සිරුරු කොටස් සහ ඇඳුම් කොටස් අහම්බයෙන් හමුවී තිබුනේ ජල සම්පාදන දෙපාර්තමේන්තුවේ කාර්ය මණ්ඩලය ජලනල එළීමට පොළව හාරමින් සිටියදී ය.
සබැඳි පුවත් ;
LTTE සෙබල, සෙබලියන්ගේ යයි සැකකෙරෙන සිරුරු පහක් ගොඩගනී
මුලතිව් සමූහ මිනීවලෙන් ගොඩගන්නා සිරුරු ගණන තවත් ඉහලට
කොක්කුතොඩුවායි සමූහ මිනීවලෙන් දවස් හයට ඇටසැකිලි හයක්
කොක්කුතොඩුවායි සමූහ මිනී වලෙන් තවත් ඇටසැකිලි, පතුරම් මතුවේ
දෙමසක් ඇනහිට තිබු කොක්කුතොඩුවායි සමූහ මිනීවලේ වැඩ ඇරඹේ !
වන්නියේ සමූහ සුසානය ගැන මැදිහත් වෙන නීතිඥයන්ට බියවැද්දීම්
කොක්කුතුඩුවායි සමූහ සුසානයේ කැනීම්වලට බාලගිරි දෝෂය
කොක්කුතුඩුවායි සමූහ සුසානයේ කැනීම් පිළිබද තීන්දුව අද
යාපනයේ තවත් සමූහ මිනී වලක් ගැන මැතිසබේ හෙළිදරව්වක්
අලුත්ම සමූහ මිනීවල හාරන ආකාරය ගැන දෙමළ පිරිස් නොසතුටින්
අලුත්ම සමූහ මිනීවලේ කැනීම් සඳහා ජාත්‍යන්තර මැදිහත්වීමක් ඉල්ලයි
ඇටකටු හමුවූ මුලතිව් සමූහ සුසානයේ කැනීම් 6 දා ඇරඹීමට නියෝග
වන්නියෙන් ඇටසැකිලි මතුවුයේ සමූහ සුසානයකින්දැයි සැකයක්
තොග පිටින් වලලන්න දක්ෂ රටේ ගොඩගන්න අදක්ෂකම හෙළිවන වාර්තාවක්
