මේ අමුතු කෑම එක හඳුන්වාදීලා තිබුනෙ ITN එකේ විකාශය වෙන මීයා ටෙලි නාට්‍යයෙන්. මීයා ටෙලි නාට්‍යයේ රස්සාව නැති කරගන්න මෝඩ තරිඳු අලුතෙන් හදන වඩේ එකක් තමයි මේ.
අපි හැමෝම දන්නවනෙ පාන්පිටිවලින් හදන වඩේ එක ගැන. පාන්පිටිවලට ඊස්ට් ටිකක් දාලා, ඒකට රතුළුනු, අමු මිරිස් දාලා, තාච්චියෙ දාලා බැදලා ගත්තම රසම රස ක්‍රිස්පි වඩේ එකක් හදාගන්න පුළුවන්.
ඒ වඩේ එක දෙකට පලලා ඒ මැද්දට කූණිස්සො බැදුමක් එක්ක ඒ වෙලාවෙම හදපු බුල්සයි බිත්ත‍රේකුත් දානවා. සලාද කොලයක් එහෙම තියලා තෙලේ බැදපු ඉස්සෙක් වඩේ එක මැද්දෙ ගැහුවම තමයි කූණි-ඩෝ එක සම්පූර්ණ වෙන්නෙ. ඔන්න ඒ කූණි-ඩෝ හදන හැටි පහල තියෙන වීඩියෝවෙ තියෙනවා.
මේ ටෙලි නාට්‍යයේ අධ්‍යක්ෂවරයෙක් අවුරුදු ගානකට කලින් කාපු ස්ට්‍රීට් ෆුඩ් එකක් තමයි දැන් මේ අලුත් නමකින් ආපහු හඳුන්වලා දීලා තියෙන්නෙ. ඕන කෙනෙකුට ගෙදරදීම වුනත් කූණි-ඩෝ එකක් හදාගෙන රස විඳින්න පුළුවන්. ලැබෙන ආරංචියෙ හැටියට රට පුරා තැන් තැන්වල කූණි-ඩෝ කඩ විවෘත වෙන්නලු යන්නෙ.
ඔන්න එතකොට ඌබර් කරලා හරි ගෙන්න ගෙන මෝඩ තරිඳුගෙ අලුත්ම වඩේ එක රස විඳින්න පුළුවන්.
බලන්න දැක්කම ඔයගොල්ලොන්ගෙ කටටත් කෙළ උනනවද කියල.
