ඒ අතරිනුත් බොහෝ දෙනාගේ අවධනය දිනාගත් මියුසික් වීඩියෝව බවට පත් වුණේ ලහිරු පෙරේරා විසින් ගායනා කරන, Mama’s Boys Films විසින් නිර්මාණය කරන ලද "ඇස් වසා" ගීතයේ වීඩියෝවයි.
ඒ TV දෙරණ Music Video සම්මාන උළෙලේදී, නිර්දේශ 9න් 7ක්ම "ඇස් වසා" ගීතයේ වීඩියෝව දිනා ගැනීමට සමත් වීම නිසාවෙනි. මෙය දෙරණ මියුසික් වීඩියෝ සම්මාන උළෙලේ එක් ගීතයක් ලබාගත් වැඩිම සම්මාන ගණනයි.
2022 වසරේ හොඳම සංගීත වීඩියෝව:
හොඳම ශ්‍රී ලංකන් පොප් වීඩියෝව - 2022
හොඳම අධ්‍යක්ෂණය - Mama’s Boys Films
හොඳම කැමරාකරණය - දිමුතු කාලිංග
හොඳම සංස්කරණය - සිතුම් සමරජීව
හොඳම කලා අධ්‍යක්ෂණය - කුමාර කරව්දෙණිය
වීඩියෝවක හොඳම නිළිය - මංජු ද සිල්වා
මෙවන් අපුරු වීඩියෝවක නිර්මාණකරුවන් බවට පත් වුණේ Mama's Boys Films කණ්ඩායමයි.
නිර්මාණශීලිත්වය මෙන්ම ප්‍රඩක්ෂන් කොලිටිය පැත්තෙනුත් හොඳම දේ තමන්ගේ නිර්මාණවලට එක්කරගෙන තියෙනවා කියන එකට හොදම උදාහරණය තමයි Mama's Boys Films කණ්ඩායම අතින් නිර්මාණය වුණු සම්මානනීය රූපවාහිනී වෙළඳ දැන්වීම් කිහිපය.
හොඳම අධ්‍යක්ශණය සඳහා වන සම්මානය ලබාගත් මමාස් බෝයිස් හි නිර්මාතෘ ඉල්හාම් හොසන් ඔවුන් එක් නිර්මාණයක් කිරීමට ඉතා දැඩි ශ්‍රමයක් දරණ බවත්, එය ඔවුන්ගේ සියලුම නිර්මාණවලින් දැකගත හැකි බවත්, ඒ ආකාරයෙන්ම දැඩි අධ්‍යයනයකින් සහ පරිශ්‍රමයකින් ගොඩ නගන ලද චිත්‍රපටිය සඳහා නිශ්පාදකයෙකු සිටී නම් ඔහු අමතන ලෙස කියා සිටියේය.
වත්මන් ශ්‍රී ලාංකීය සිනමාකරනයටත් මෙවන් රූපමය වටිනාමක් එක් කළ හැකි නිර්මාණශීලි පිරිස්‌ බොහොමයකගේ එක්වීම කලාවක් විදියට ආස්වාදජනක දෙයක් වෙයි.
