මුලතිව් දිස්ත්‍රික්කයේ කුරුන්තූර්මලෙයි ශිව දේවාලය පිහිටා තිබු ස්ථානයේ අධිකරණ නියෝග නොතකා ඉදිකළ චෛත්‍යය වන්දනා කිරීමට

පැමිණෙන දකුණේ දේශපාලනඥයන් ජාතිවාදය ඇවිස්සීමට කටයුතු කරන බවට වන්නියේ දේශපාලනඥයකු චෝදනා කරයි.

" කොළඹ ඉන්න ඕන මන්ත්‍රීවරු මෙතනට ඇවිත් ජාතිවාදය අවුස්සන විදියට කටයුතු කරනවා. ඒ අය නිතරම කුරුන්තූර්මලෙයි ඇවිත් මේ වැඩේ කරන්නේ තමන්ගේ ඡන්ද කුට්ටිය රැකගන්න. විශේෂයෙන්ම ජාතිවාදී දේශපාලකයෝ."

උදය ගම්මන්පිල මන්ත්‍රීවරයාගේ කුරුන්තූර්මලෙයි සංචාරයට විරෝධය පා මුලතිව්, තන්නිමුරිප්පු, කුරුන්තූර්මලෙහි දෙමළ ජනයා සමග එක්ව ජුලි 21 වැනිදා පෙරවරුවේ විරෝධයක් පවත්වමින් උතුරු පළාත් සභාවේ හිටපු මන්ත්‍රී තුරෙයිරාසා රවිහරන් එම චෝදනාව කර තිබුනි.

"දෙමළ සන්ධානයේ බොරු හෙලි කිරීම" සඳහා කුරුන්දි යන බව පිවිතුරු හෙළ උරුමය නායකයා සමාජ මාධ්‍ය ඔස්සේ ප්‍රචාරය කර තිබුණි.

 

තුරෙයිරාසා රවිහරන් හිටපු මන්ත්‍රීවරයා තව දුරටත් සඳහන් කළේ කුරුන්තූර්මලෙයි ශිව දේවාලය පිහිටා තිබු ස්ථානයේ යුද හමුදාවේ පුර්ණ අනුග්‍රහයෙන් චෛත්‍යයක් ඉදිකිරීම සම්බන්ධයෙන් අධිකරණයේ නඩුවක් විභාගවන නමුත් රජයේ නිලධාරීන් අධිකරණ තීන්දුවට ගරු නොකරන බවයි.

 

" උසාවියේ නඩුව යනවා. මුලතිව් පොලිසියත් ඒ නඩුවට ගරු කරන්නේ නෑ. පුරාවිද්‍යා දෙපාර්තමේන්තුවේ නිලධාරීන් ගරු කරන්නේත් නෑ. හාමුදුරුවෝත් ගරු කරන්නේ නෑ. උසාවි නියෝගවලට සහ නඩුවලට නිසි ගෞරවය දෙන්නේ දෙමළ අය විතරයි."

කුරුන්තූර්මලෙ අපිට ඕනෑ, උතුරු සහ නැගෙනහිර දෙමළ නිජ භුමියයි, කුරුන්තූර්මලෙ දෙමළ අපේ සම්පතක්, අපේ ඉඩම් අපිට ඕනෑ, අපේ භුමිය අපේ ශක්තියයි, වාර්ගික ජනගණත්වය වෙනස් කිරීමේ පරමාර්ථයෙන් අපේ නිජබිම ආක්‍රමණය නවතනු, ආදී සටන් පාඨ කියමින් දෙමළ, සිංහල හා ඉංග්‍රීසි විරෝධතා පුවරු ප්‍රදර්ශනය කරමින් උද්ඝෝෂණය දියත් කළ පිරිස ගැටුම්කාරී තත්වයක් ඇතිවීම වැලැක්වීම පිණිස උදය ගම්මන්පිල ප්‍රමුඛ පිරිස එම භුමියට පැමිනීමට පෙර පිටව ගිය බවයි පළාත් බද වාර්තාකරුවන් පවසන්නේ.

gammanpila 1gammanpila 2

කොළඹින් කැටුව ආ මාධ්‍යවේදීන් පිරිවරා බෞද්ධ භික්ෂුන් සහ බෞද්ධ කොඩි අතදැරු පිරිසක් සමග කුරුන්තූර්මලෙ අලුතින් ඉදිකළ චෛත්‍ය වන්දනා කළ උදය ගම්මන්පිල මන්ත්‍රීවරයා එහිදී කියා තිබුනේ මතබේදයට තුඩුදී ඇති පුරාවිද්‍යා භූමිය දැක බලා ගත් පමණින් ඒ ගැන නිගමනයකට එළැඹිය නොහැකි බවයි.

" මං දැන් මෙතන බැලුවයි කියලා මට අදහසක් නෑ. අපි නිලධාරීන් එක්කත් කතා කරලා, හාමුදුරුවෝ එක්කත් කතා කරලා අපි දෙගොල්ලන්ගේම අවශ්‍යතා ඉටුවෙන තැනකට අපි එමු. "

උතුරේ දේශපාලනඥයන් ඇතැම් ප්‍රශ්න ඇති කරවන බවටත් උදය ගම්මන්පිල මන්ත්‍රීවරයා එහිදී චෝදනා කර තිබුනි.

 

" ඇත්තෙන්ම දෙමළ ජනතාවයි අපියි සහෝදරයෝ. අපි අතර බේදයක් නෑ. සමහර වෙලාවට මේ පැත්තෙන් ඇවිල්ලා කොළඹට එන දේශපාලකයෝ සමහර ප්‍රශ්න ඇති කරනවා. ඇත්ත ඇති විදිහට බලා ගන්න තමයි අපි අද මෙහෙට ආවේ. මේක අවුරුදු 2100 ක් පරණ පන්සලක්. මේක ඇත්තෙන්ම ලංකාවේ අපේ උරුමයක් නෙමෙයි මුලු ලෝකෙටම අයිති උරුමයක්.  පරන දේවල් වෙන රටවල නැ. ඒ නිසා අපි ඔක්කෝටම මේක අයිතියි." මන්ත්‍රීවරයා තව දුරටත් පවසා තිබුනි.

 

ජනාධිපති රනිල් වික්‍රමසිංගේ ඉතිහාස දැනුම අනුව මුලතිව් කුරුන්තුර්මලේ තන්නිමුරිප්පුහි අතීතයේ තිබී ඇත්තේ දෙමළ බෞද්ධ විහාරයකි.






 


සබැඳි ලිපි :


රනිල්ගේ ඉතිහාස පංතිය - (චින්තන ධර්මදාස)

ඉතිහාසය කියන්නේ රනිල්ට ෆැන්ටසි එකක්. අපිට නිකම්ම ඉතිහාසයක් - (ආචාර්ය මහේෂ් හපුගොඩ)

සබැඳි පුවත් :

කුරුන්දි විහාරයට අයත් රජයේ ඉඩම් පවරා දීමට තීන්දුවක් ගෙන නැහැ - ජනපති ලේකම් සමන් ඒකනායක

කුරුදුමලේ ඉඩම් අවුල හරහා එල්ලාවල මේධානන්ද හිමි යළි කරලියට !

කුරුන්දි විහාර අර්බුදය : විහාරාධිපති හිමි ජනපතිගෙන් කළ ඉල්ලීම !

පුරාවිද්‍යාව වාර්ගික ප්‍රශ්නවලට ඈද ගන්න එපා ! - එජාප උප නායක

ජනපතිගේ ‘ඉතිහාස පන්තියට’ මුල්තැන දී යටපත් වුනු උතුරු නැගෙනහිර ඉඩම් කොල්ලය

පුරාවිද්‍යා අධ්‍යක්ෂ ඉල්ලා අස්වුනේ ඇයි ?


JW

 

Follow Us

Image
Image
Image
Image
Image
Image

නවතම පුවත්