ආරම්භ කර තිබේ.
29 ඉරිදා දින කලමාසරි පළාතේ දේව මෙහෙයක් අතරතුර මෙම පිපිරීම් මාලාව සිදුව ඇත.
ප්‍රහාරයේ වගකීම භාර ගන්නා බව වීඩියෝ පටයක් ඔස්සේ ප්‍රචාරය කළ පුද්ගලයෙකු අත්අඩංගුවට ගෙන ඇති අතර එම පුද්ගලයාගේ පාපොච්චාරණය සනාථ කරගැනීම සඳහා තවමත් කටයුතු කරමින් සිටින බවට කේරළ පොලිසිය ප්‍රකාශ කර යි.
"ඔහු අපගේ අත්අඩංගුවේ පසුවන නමුත් ඔහුගේ ප්‍රකාශයේ සත්‍ය අසත්‍යතාව තහවුරු කරගැනීමට කටයුතු කරමින් ඉන්නේ, ඊට ටික කාලයක් යාවි," යනුවෙන් කේරළ පොලිසියේ මහජන සම්බන්ධීකාරක නිලධාරියකු වන ප්‍රමෝද් කුමාර් රොයිටර් පුවත් සේවයට සඳහන් කර තිබේ.
යෙහෝවා ගේ සාක්ෂිකරුවන් නම් ආගමික කණ්ඩායම විසින් සංවිධානය කරන ලද, පුද්ගලයින් 2000කට අධික සංඛ්‍යාවක් සහභාගී වෙමින් දින තුනක් පුරා පැවැත්වුණු මෙම දේව මෙහෙය අතරතුර සිදුවූ පිපිරීම් මාලාවෙන් පුද්ගලයින් දෙදෙනකු එම ස්ථානයේ දී ම මියගොස් තිබු අතර දරුණු පිළිස්සුම් තුවාල ලැබූ 12 හැවිරිදි දැරියක අද (3) උදෑසන මියගොස් ඇත.
සිදුවීමෙන් ටික වේලාවකට පසුව, ඩොමිනික් මාටින් නම් පුද්ගලයා ප්‍රහාරයේ වගකීම භාර ගෙන තිබුණි.
සහකාර පොලිස් අධිකාරීවරයාගේ මූලිකත්වයෙන් විසි දෙනකුගෙන් සමන්විත කණ්ඩායමක් ප්‍රහාරය සම්බන්ධයෙන් විමර්ශනය සඳහා පත් කර ඇති බව කේරළයේ ප්‍රධාන අමාත්‍ය ප්‍රකාශ කර ඇත.
එසේම, දිල්ලි අගනුවර ද ආරක්ෂාව තර කර ඇති බව එරට මාධ්‍ය වාර්තා කරයි.
