ප්‍රහාරකයන් අඟහරුවාදා (09) ගුආයාකිල් නුවර පිහිටි TC නම් රූපවාහිනී ආයතනයේ ප්‍රවෘත්ති මැදිරියකට කඩා වැද එහි කාර්ය මණ්ඩලයට තුවක්කු පෙන්වා බිය ගන්වා, ග්‍රහණයට ගෙන සිටින ආකාරය ද විනාඩි 20ක පමණ කාලයක් සජීවීව විකාශය වී තිබුණි.
විකාශය නවතා දැමීමට පෙර කාර්ය මණ්ඩල සේවකයන් බලහත්කාරයෙන් බිම දිගා කරවා ඇති අයුරු ද දක්නට ලැබුණි.
පොලිසිය ප්‍රකාශ කරන්නේ ප්‍රහාරකයන් විසින් රඳවාගෙන සිටි කාර්ය මණ්ඩල සේවකයන් සියලු දෙනා මුදාගත් බවත් මෙහෙයුමේ දී තුවක්කුකරුවෝ 13 දෙනකු අත්අඩංගුවට ගත් බවත් ය. මෙම සිදුවීමෙන් කිසිවෙකුටත් හානි සිදුවී නැහැ.
තුවක්කුකරුවෝ 13 දෙනකු අත්අඩංගුවට
ඉකුත් සඳුදා (08) ඉක්වදෝරය තුළ දින 60ක හදිසි නීති තත්වයක් ප්‍රකාශයට පත් කිරීමෙන් පසුව අවම වශයෙන් 10 දෙනකු හෝ මියගොස් ඇති බව එරට මාධ්‍ය වාර්තා කරයි.
මෙම හදිසි නීතිය පැනවූයේ කුප්‍රකට මත්ද්‍රව්‍ය ජාවාරම්කරුවෙක් වන ඇඩෝල්ෆෝ විලමාර් බන්ධනාගාරයෙන් පලා යාම, රැඳවියන් විසින් බන්ධනාගාර පාලකයන් ප්‍රාණ ඇපයට ගැනීම ඇතුළු රට පුරා ඇතිවූ ප්‍රචණ්ඩකාරී තත්වයන් හේතුකොට ගෙන ය. 
