පුරාවෘත්තයකට උපහාරයක් පුද කරන්නට සැරසුණත්, ලෝක කුසලාන සංචිත නීති නිසා 10 අංකය අත්හැරීමට නොහැකි තත්ත්වයක්.
ලියොනල් මෙසී ජාත්‍යන්තර පාපන්දුවෙන් සමුගැනීමෙන් පසුව ආජන්ටිනා ජාතික පාපන්දු කණ්ඩායමේ අංක 10 ජර්සිය විශ්‍රාම ගන්වන ලෙසට එරට බොහෝ දෙනා ඉල්ලා සිටින්නේ මීට කලකට පෙර ඩිඒගෝ මැරඩෝනා සම්බන්ධයෙන් හටගත් සිදුවීම සිහි ගන්වමින්. මෙසී ට ගෞරව කිරීමට අවශ්‍යව සිටින පාපන්දු ප්‍රජාව ආජන්ටිනාව යළි කිසි දිනෙක අංක 10 කමිසය පැලඳ ක්‍රීඩා නොකළ යුතු බවට තරයේ කියා සිටිනවා.
එහෙත් මේ කාරණයේදී මැරඩෝනා ට මෙන්ම මෙසී ට ද ජාත්‍යන්තර පාපන්දු සම්මේලනයේ (FIFA) නීතිය හරස් වී තිබෙන බැවින් මේ ප්‍රශ්නයට විසඳුමක් දීම ආජන්ටිනාව ට ඉතාමත් අසීරු වී තිබෙනවා.
දශක දෙකක කාලයක් අංක 10 ජර්සිය පැලඳි මෙසී එය සමග ආජන්ටිනාව වෙනුවෙන් වැඩිම තරග සංඛ්‍යාවකට සහභාගි වූ ක්‍රීඩකයා සහ එදා මෙදා තුර වැඩිම ගෝල් ලබා ගත් ක්‍රීඩකයා බවට පත්වෙමින් එම කමිසය ලෝක පාපන්දුවේ වැඩියෙන් ම හඳුනන සංකේතයක් බවට පත් කළා. නමුත් ආජන්ටිනාව මීට පෙරත්, ඩිඒගෝ මැරඩෝනා ගෞරවයට පාත්‍ර විය යුතු ක්‍රීඩකයාව සිටියදී ඔහුගේ 10 අංකය විශ්‍රාම ගැන්වීමට උත්සාහ කළ අවස්ථාවේ FIFA විසින් එය නතර කරනු ලැබුවා. ඊට දශක දෙකකට වැඩි කාලයකට පසුව ඒ රෙගුලාසිය ම මෙසී ට උපරිම උපහාරය පුද කිරීම සඳහා බාධාවක් වී තිබෙනවා.
මැරඩෝනා වෙනුවෙන් හැදූ 2002 සැලසුම කැඩී ගිය හැටි
ආජන්ටිනාවේ අංක 10 කමිසය විශ්‍රාම ගැන්වීමේ අදහස අලුත් එකක් නෙවෙයි. මෙහි ප්‍රබලතම පෙර සිදුවීම වාර්තා වන්නේ එරට අනෙක් පාපන්දු පුරාවෘත්තයෙන්.
ඔවුන්ගේ සැලසුම වී තිබුණේ එම තීරණය 2002 ලෝක කුසලාන පාපන්දු තරගාවලියට පෙර ක්‍රියාත්මක කිරීමට වූ අතර එම අවස්ථාවේදී ඊට බාධාවක් ඇති වන බවක් පෙනුනේ නැහැ. ආජන්ටිනාවේ පුවත්පතක් ඔවුන්ගේ මුල් පිටුවේ පවා එම පුවත පළ කළේ “එය දෙවියන්ගේ කැමැත්ත” යන සිරස්තලයෙන්.
කෙසේ වෙතත්, මෙහි එක් ප්‍රශ්නයක් තිබුණා. FIFA ට ඔවුන්ගේ තරගාවලියන් හි සංචිතවල සාමාජිකයින් පාලනය කිරීමේදී ඔවුන්ගේ ම නීති තිබුණා.
ආජන්ටිනාවේ ඉල්ලීම FIFA ප්‍රතික්ෂේප කළේ අංක 10 එතරම් සරල ආකාරයට ලෝක කුසලාන සංචිතයෙන් අතුරුදන් විය නොහැකි බවට අදහස් කරමින්.
අවසානයේදී Ariel “El Burrito” Ortega ආජන්ටිනාව වෙනුවෙන් 2002 තරගාවලියේදී එම ජර්සිය පැලඳ ක්‍රීඩා කළේ මැරඩෝනා හා මෙසී යුගයන් අතරතුර මේ ජනප්‍රිය කමිසය වඩාත්ම කැපී පෙනෙන අයුරින් පැලැඳි ක්‍රීඩකයා බවට පත්වෙමින්.
ඒ සිදුවීමේ වැදගත්කම දැන් යළි මතුව තිබෙන්නේ මෙසී ජාතික කණ්ඩායමෙන් ඉවත් වූ බැවින්.
මෙවර එම ඉල්ලීමට සම්බන්ධ කර තිබෙන්නේ මැරඩෝනාගේ නම නෙවෙයි.
අංක 10 කමිසය විශ්‍රාම ගැන්වීමට FIFA ඉඩ නොදෙන්නේ ඇයි?
ලෝක කුසලානය හා කෝපා අමෙරිකා වැනි තරගාවලියන් සඳහා වන FIFA නීතිවලට අනුව තරගාවලියේ සංචිත ලැයිස්තු අංක 1 සිට 26 දක්වා නොකඩවා පිළිවෙළට භාවිතා කළ යුතු වනවා. ඒ අනුව, 26 දෙනාගේ සංචිතයට තෝරා ගැනෙන සෑම ක්‍රීඩකයෙකුට ම අංකයක් තිබිය යුතු වන අතර මෙහි කිසිම අංකයක් අත්හරින්න බැහැ.
මේ හේතුවෙන් නිල තරගාවලියකදී අංක 10 විශ්‍රාම යැවීම අසීරු වී තිබෙනවා.
මේ අංකය වෙනත් ක්‍රීඩකයෙකු සතුව නොතිබෙනු දැකීමට ආජන්ටිනාව ට අවශ්‍යව තිබෙනවා. එම අදහසට ක්‍රීඩා ලෝලීන් ඉතා ප්‍රබල අයුරින් සහයෝගය දැක්විය හැකියි. එම අංකය කිසිම කෙනෙක් නැවත පලඳින්නේ නැති බවට තීරණය කිරීමට ආජන්ටිනා පාපන්දු සංගමයට පුළුවන්. නමුත් පවතින නීතියට අනුව FIFA සංචිත-අංක නීතිවලින් පාලනය වන තරගාවලියන්ට කණ්ඩායම ඇතුළු වෙද්දී අංක 10 කවුරුන්‌ හෝ කෙනෙකුට වෙන් කර තිබිය යුතු වනවා.
වෙනත් වචනවලින් කියනවා නම්, ආජන්ටිනාව ට 1 සිට 9 දක්වා සහ 11 සිට 27 දක්වා අංක යෙදූ 26 දෙනෙකුගේ සංචිතයක් ඉදිරිපත් කිරීමට හෝ ලියොනල් මෙසී ට දක්වන සදාතන උපහාරයක් ලෙසින් 10 අංකය හිස්ව තබා ගැනීමට හෝ හැකියාවක් නැහැ. මැරඩෝනා සම්බන්ධයෙන් සිදුවුනේත් මෙය ම යි.
මිත්‍ර තරගවලට විවෘත වුවත් නිල තරගාවලිවලදී නීතිය දැඩි වෙයි
(සටහන : වර්නන් ගුණසේකර)'ද ලීඩර්' ක්‍රීඩා වාර්තාකරු
gunasekera33@gmail.com
සබැඳි පුවතක් :
